Mitt engasjement og filosofi rettar seg til deg som individ; frå korleis du tenkjer til korleis du står i livet ditt. Eg er nysjerrig på dine prioriteringar og kva du vektlegger i din kvardag. Ikkje minst er du som deg sjølv viktig, med dine utfordringar og dine mål. Vi har alle våre mål og draumar. Kva skal til for at du kjem nærare dine?

Akkurat dette syns eg er så spennande. Fokuset mitt til klient er sjeldan begrensa til èin faktor ved livet sine sider. Å ha god helse kan bety at du kjenner at du meistrar kvardagen din. Du får gjort det du ønskjer. Energien er god. Du har god nattesøvn. Du veit korleis svare på stress og behov for restitusjon. Du blir løfta av fysisk aktivitet. 

Helse handlar blant anna om å halde seg frisk. Det er ein aktiv prossess å forebygge sjukdom, men du kan òg lindre dine symptom. Helse er også sosial fungering. Kostholdet kan påvirke di helse, likeså fordøyinga. Det du vel å ete og drikke kan påvirke mykje. Ditt kosthold kan medvirke til forverra helse, og ditt kosthold kan løfte helsa di til å bli betre. Helse er også noko du sjølv skaper. Du kan sjølv påvirke eiga helse, ditt kosthold og din livsstil i dag for morgondagen.

Du er den viktigaste personen i ditt liv. Når du er på plass i deg sjølv - 

så er du òg tilstades for dine næraste. 

Nupen KostogHelse

Hei og velkomen hit! Eg heiter Ingeborg Tusvik Nupen og driver Nupen KostogHelse i Ørsta, ein times biltur frå Ålesund. Eg er 37 år, gift med islandske Jens, og mamma til to solstrålar på 11 og snart 14 år. Rundt beina våre luskar ofte katten, Kompis og hunden, Isa. 

Korleis min kvardag er? Eg er berre eit menneske eg også - men, det er klart at eg ønskjer å vere til inspirasjon for mine klientar. Difor kjenner eg på velvære og overskudd i å ha oversikt på dagane mine, og å planlegge litt fram i tid. Eg verdset fargerikt kosthold og styrkande mat. At maten skal gi meg noko, syns eg er viktig. Sidan 15- årsalder har eg vore treningsinstruktør og har framleis gruppetimar. Styrketrening og kondisjon gir meg påfyll. Likevel elskar eg ein knekk sjokolade, eit glas raudvin, å ligge i sofaen med beina høgt. Opplevingar saman med familien min er viktig for meg. 

Engasjement for trening starta i ungdomstida, og har hatt glidande overgong til å omfatte helse, kosthold og livsstil i vaksen alder. Personleg har eg opplevd å møte veggen og bli ein skugge av meg sjølv. "Flink pike"- syndromet og å gjere alt plettfritt på alle arena krevde sitt. Det krevde den gode meg. Fråvær av energi, besvimelsar og apati. Denne perioda fekk meg til å tenkje på kva eg vil i livet mitt. Korleis vil eg ha det? Korleis vil eg vere som mamma og kone? Kva er draumen min? Jo, å motivere andre til å ta tak i eiga helse, å nå inn til eit anna menneske - ikkje minst det fantastiske å oppleve at individet får ein betre livsstil. Her er eg i dag!

Eg engasjerer meg lett til din fordel i å spore og dyrke den livsstilen som gjer at du får det betre! Med tid, tolmod, tilpassing og at du er tru mot deg sjølv- så er min tanke at alle individ kan oppleve lettare kvardagar! Det er du som skal ta stega, men eg følgjer deg like bak for å rettleie deg i val av retning. Så, er du klar? 

Mi utdanning: 

• Allmennlærar, Høgskulen i Volda, 2005

• Fordjuping kroppsøving, Høgskulen i Volda, 2005

• Kostholdsrettleiar, Tunsberg Medisinske Skole, 2008

• Grunnmedisin, Tunsberg Medisinske Skole, 2016

• Ernæringsterapeut, Tunsberg Medisinske Skole, 2019

Kurs:

• Workshop matintoleranse, 2017

• Stoffskiftedagen, 2017

• 7 trinn til god helse, 2017

• Trening og kosthold, 2018

Sertifisering:

• Sertifisert Kursleiar Brusetmodellen, 2015

• Matintoleransetesting, EU BioTek AS, 2018

• Sertifisert Eurodiet-behandlar, 2019