Salat sansefest!

Ein tallerken med salat kan vere ei fryd for sansane dine ~ når du legg inn nokre ekstra minutt! Dette biletet er henta frå ein av dei fyrste småkjølige søndagane i oktober. Tallerkenen var fargerik, smaksrik, med ulike konsistensar og gode næringsstoff. Mannen min og eg hadde lunsj for to, og vi kunne like så gjerne ha sitte på ein liten uterestaurant i Hellas. 


Ingrediensar:

  • Ulike typar salatblad. Eg nytta her blandinga "Middelhavs-miks" og supplerte med spinatblad. 
  • 1 raud paprika

  • Ca 10 cherrytomatar

  • 1/3 purrelauk

  • Nokre stilkar vårlauk som veks frå glaset i vindaugskarmen.

  • 1/3 raudlauk

  • 1/2 pakke bacon

  • Feta (eg nytta her Apetina m/ soltørka tomat)

  • 5 skiver Strandaskinke

  • Pesto

  • Cheddar


Framgongsmåte:

  1. Skjer opp bacon i terningar og steik på panne. 
  2. La bacon kjøle ned.

  3. Skylje salatblada og vaske dei andre grønsakene.

  4. Legg salatblada i ein romleg bolle. 

  5. Skjer paprika i terningar, tomatane i halvdelar, purrelauk og vårlauk i ringar og raudlauken i terningar, Tøm dette over i bollen med salat. 

  6. Skjer opp Strandaskinke i ruter, og hell desse og avkjølt bacon over i bollen. 

  7. Hell opp i feta eller den sorten du har. 

  8. Blande alt saman i bollen. 

  9. Legg over på to tallerkenar.

  10. Legg på 1-2 ts pesto og riv over cheddar.

Så er det berre å ta seg god tid og nyte!! Ver så god!