Rause rundstykker

For fleire år sidan publiserte eg ei oppskrift som likna denne. Eg hugsar at den gong fekk eg tilbakemeldingar på at fleire syns rundstykka var SÅ gode. I romjula prøvde eg meg fram til ei liknande blande. Her har du den, og rundstykka er i mine sansar minst like gode! 

Ver så god og bake! 

Ingrediensar:

• 1 pk tørrgjer

• 4 dl lunka vatn

• 1 ts salt

• 2 egg

• 2 ss smør

• 500 g Fibra fullkornskveitemjøl

• 50 g havregryn

• 150 g svisker

• 150 g tørka aprikos

• 2 ss gojibær

• 2 ss solsikkefrø

• 2 ss graskarkjerner

• 2 ss chia

• Valmuefrø

• Valnøttkjerner 

Framgongsmåte:

1. Skjer svisker og aprikos i bitar og legg i ein mindre bolle. 
   

2. Vispe tørrgjæren med vatn i ein romsleg bakebolle. 

3. Tilset egg, smør og salt og blande vidare.

4. Ha så i havregryn og litt av mjølet. 

5. Hell i oppkutta svisker og aprikos. 

6. Tilset så alle andre ingrediensar. Eg hadde berre nokre få valnøttkjerner igjen, men ville hatt i ein neve hakka valnøttkjerner. 

7. Varme steikeomnen til 220 g, over- og undervarme.
   

8. Blande alt godt med tresleiv, og elte med rein hand fram til ingrediensane festar seg godt. Tilpass evt med meir Fibra- mjøl, men deiga skal vere fast og litt klissete.
   

9. Del i to, og vidare i 8 emner. Du får 16 stk rundstykker.

10. Set til heving på steikeplate med bakepapir, 1 t under eit klede. 

11. Pensle gjerne med vatn og dryss over valmuefrø før steiking. 

12. Steikast midt i omnen i ca 15. min, men ver på vakt.

Utrulig kjekke å ha i frysaren - klar til matpakken eller kveldsmaten! 

Rundstykke rause på smak ~ berre gled deg!