Kvardagsvafler

I dag ga sola ei påminning om at ho greier fint å varme oss endå, ein haustdag i september. Då kom det eit ønskje frå mannen i huset; Ska' me lage oss vafler ute? Og so vi gjorde, det kom fleire til bordet, og oppskrifta til vèl 16 plater får du her:

Ingrediensar: 

• 100 g smør

• 6 egg

• Ca 1 L mjølk

• Ca 250 g fullkornskveitemjøl

• Ca 200 g lettkokte havregryn

• Ca 200 g finmalt spelt 

• 2 ts sukrin gold 

• 1 ts bakepulver

• 1 ts salt

• 1/2 - 1 ts kardemomme
    

Framgongsmåte:

1. Smelt smøret.

2. Bland godt egga, gjerne i ein handmiksar. 

3. Tilset dei tørre ingrediensane sånn litt om litt med mjølka. 

4. Ha til sist i smelta smør og bland noko vidare. 

5. Om du har tid til å la røra stå litt og svelle, så er det berre fint. Det vart det ikkje tid til her i dag ~ og vaflene vart meget gode utan "svelle- tid" òg! 

6. Steik vaflene på medium varme og nyt med valfritt tilbehør!

Vaffelplatene står seg godt tildekt i kjøleskåpet, og gjer seg godt i matboksa til skuleborn - og -ungdom. Hugs på smør og proteinrikt pålegg ~ og ein raus neve fargar! :-)