Havreflarn

Her får du knasande havreflarn, eller havrekjeks om du vil, i eit utgåve som kan falle i smak hos fleire. Av denne mengda kan du lage 10-12 store kjeks, eller du gjer som eg; Doble mengdene av ingrediensar og lage ca. 30 stk mindre havreflarn (som biletet). 

Mmmm; "Smeltar på tunga, mamma!", som eine bornet mitt kommenterte. 

Ingrediensar:

• 75 g smør

• 100 g lettkokte havregryn

• 1 egg

• 50 g sukrin (eller anna søtning du vel)

• 1 ts bakepulver

Framgongsmåte:

1. Varme steikeomnen til 200 grader. Kle ei steikeplate med bakepapir.

2. Smelte smøret.

3. Pisk eggedosis av egg. OBS! Pisk egget/ egga luftig før du tilset søtninga. 

4. Tilset så litt og litt søtning medan du held fram å piske eggedosisen. 

5. Blande havregryn og bakepulver i ein bolle. Tilset smelta smør og blande godt. 

6. Bruk ein slikkepott til å vende inn forsiktig eggedosisen med havregrynsblandinga. 

7. Bruk ei ts til å legge blandinga på steikeplata. Du skal rekne med at blandinga siver ut under steiking, så berekne litt plass på plata.

8. Steiketid: 6-9 minutt, midt i omnen. Her må du vere på vakt. Havreflarna skal bli gylne og lett brune i kantane. 

9. Trekk steikepapiret med havreflarna over på ei rist, og la dei avkjøle heilt. 

10. Oppbevar i ei kakeboks.  

(Inspirert etter Greta Bjørkli)