Fiberrike rundstykker

Er det usemje i heimen om rundstykker? Nokon likar å kjenne litt tyggemotstand - og andre grin på nasen? Helst ingen frø, nøtter eller heile korn? Prøv deg på desse - og sjå om floken er løyst! Hos oss er det ikkje ein smule att når desse blir servert!

Ingrediensar:

• 4 ss linfrø

• 3 ss graskarkjerner

• 3 ss solsikkefrø

• 8 valnøttkjerner

• 2 ss smør

• 1/2 pk tørrgjær

• 5 dl lunka vatn

• 1/2 ts salt

• Eit dryss anis

• 8 dl Fibra Fullkornskveitemjøl (pluss ekstra til utbaking)

• Evt chia eller valmuefrø 

Anis gir ein spennande og god smak på rundstykka. Eit lite dryss er nok!

Framgongsmåte:

1. Smelt smør i kasserolle.

2. Ha tørrgjæren i bakebolle og tilset lunka vatn.

3. Hell smelta smør og salt i gjærblandinga og bland med visp. 

4. Knus linfrø, graskarkjerner, valnøttkjerner og anis i ein blender eller kjøkkenmaskin. Det skal bli finmalt som mjøl. 

5. Tilset litt og litt av dei knuste frøa og kjernene i bakebollen. Bruk gjerne ei kjøkenmaskin, eller visp godt mellom påfylla. 

6. Gjer det same med fullkornskveitemjølet. Elte godt med ei tresleiv/ kjøkenmaskin eller ei rein hand. Deigen skal sleppe bollen, men vere litt klebrig enn å bli for tørr av mjøl. 

7. Forhev 45-60 min i bakebollen under eit klede. 

8. Kna deigen på kjøkenbenken. Del opp i 16 emner.

9. Forme til 16 stk rundstykker og legg på steikeplate med bakepapir. 

10. Etterhev 30-45 min under klede.

11. Pensle med vatn om du vil og strø over chia eller valmue. 

12. Steikast midt i omnen > 220 gr i 12-15 min. Følg med! 

13. Avkjøl på rist og server til alle i familien!